Vasinõ võti.
Ütele Põrstõ külä mehele näüdäti unõht: Mine mõtsa, siäl pika põllu otsah, suurõ kivi kõrval om suur kasti täüs rahha." A tuo oll suvõl, ütel pühäpäävätsel lõunõsvaihõl, kuna mies magasi ja unõht näkk. Mies läts kah mõtsa minemä. Imä hõigas perrä: "Vassil, kohe sa läät?" Poig kostõ tassamisi: "Laku perst!" Sai küll suurõ kivi mano, raha kasti kohki nätä. Suur vasinõ võti oll kivi kõrval maah, minka mies kodo tull ja immä lõknama naas: "Su vana lõusti peräst jäi mullõ rahha saamalda. Mis sul asi oll, mullõ perrä röögädä?" - Parhillaki om viel tuo maja sugu käeh, Põrstõ Mihkali puol, vasinõ võti alalõ. |
