Paikliku jutukesed.
Veri järv.
Rõugu kihkunnah Vastseliina-Võro tie veereh, ligi Kirepit om üts pik äkiliste orga vaihõl järv, keda "verijärves" kutsutas. Mustõ olnu üts kuri mõisnik kutsariga Vastseliinast Võro poolõ sõitnu, ja herrä sinnä järve, kõige ta uhkõ tõllaga lasknu. Kutsar, kes herrä päsemata peris ori olnu, saanu kuräst herräst vallalõ, ja lännü kui vaba mies kunagi, kõiki herrä hobõstõga umma tied. Et järv klaar selge, valge ja puhta viega om, ja säält rohkesti kallu lövvus, sis nägevat mõnõki kala püüdja uhkõt herrä tõlda järve põhah tallikala olõvat, niigu ta sinnä üts kõrd juosknu oll. |
