Teade
| Arhiiviandmed | ||||||||||||||||||||||
| Viide | FAM 369 (4) | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Täisviide | FAM 369 (4) < Rõuge khk., Haanja v., Kallastõ k., Vodi t. – Heiki Valk, Mari-Ann Remmel < Artur Vodi, 85 a. (1999) | |||||||||||||||||||||
| Viite osad | Kogu:FAMKöide:369LK1:LK2:Pala:4 | |||||||||||||||||||||
| Kogumisaasta(d) | 1999 | |||||||||||||||||||||
| Esitajad |
|
|||||||||||||||||||||
| Kogujad |
|
|||||||||||||||||||||
| Teksti sisu | ||||||||||||||||||||||
| Objekti liik | mägi | |||||||||||||||||||||
| Muud märksõnad | varandus | |||||||||||||||||||||
| Žanr | muist | |||||||||||||||||||||
| Jututüüp | Jaanimäe postijaamas mõisniku kullakast. Mõisnik end uputanud. | |||||||||||||||||||||
| Pärimuskohad | ||||||||||||||||||||||
| Koht 1 | ||||||||||||||||||||||
| Objekti nimetus | Jaanimägi | |||||||||||||||||||||
| Vana maakond | Võrumaa | |||||||||||||||||||||
| Kihelkond | Rõuge | |||||||||||||||||||||
| Vana küla | Simula | |||||||||||||||||||||
| ERA kood | Rõu_049 | |||||||||||||||||||||
| Tekst | ||||||||||||||||||||||
| ES: Kuis tuu oll\', kui Jaanimäel - mis tal taaha maha jäi, tuu kast või... AV: Tuu jah, tuu oli jah.. Sääne legend või.. ES: Seleti juba või? AV: legend jah... HV: Ei, Jaanimäest küll ei kõnele. AV: Jaanimäe... õt suur härra sõit ka postijaama, Jaanimäe, sääl.. tuu om õkva tii veere man, peräh oll\', hiljaaigu oll\' taah palvõmaja - ja sääl oll\' posti jaam. Ja sõs, jäi sõs sinnä ööbima. Postijaama. Ja.. No..kutsari no tuu sis sööt hobuse ja hommugu lask käsk and sis härra kutsarille käsu, et hobuse ette rakenda ja iste sis tõlla, tõllaga sõit ärä tükü maad ja äkki tull\' meelde midägi et: silmapik keerä ümbre ja tagasi. Ja läts sõidiq tagasi ja läts sinnä magamisruumi, säält kai ümbreringi ja tull\' sis kurva meelega väll\'ä ja uputi hindä Jaanimäe - sääl oll\' sääne /suurus?/, Jaanimäe sulg, uput\' hindä ärq. Ja sis oll\' et kullakast olõvat olnuq, või mingisugune - jah, kullakast - ja tuu sõs, tuu va(h)e sees oll\' kullakast ärq kaonu. Näet, ta unõht tuu maaha. Nii, jutu järgi, ja läts tagasi, aga kullakasti es oleq ja oll\' niipall\'o kahju, et uputi hindä ärq. A tuu kullakast oll\' seeniq, tuu tallimiis... jutu järgi - tuu oll\' peräst lännü tuud korterit kaema, tuu kullakasti tuu va(h)e seen herr ku niiüteldä eksirännakut tegi. Ja sis tuu es saa ka tedä kodo viiäq, tuud, et millegipärast pidi sinnä tiiveerde ärä peitmä, üte kivi truuba ala, a tuu... kuuli ka järgmisel pääväl ärq, ja tuu es saa ka üteldä, tuu tallimiiss. Et kohe ta tuu kulla pan\'d ja tuu jäigi kaotsehe. Ja ma ütle, et ma olli tiitööline, tuu legendi järgi ma panni sinna kivi trubba ... kisi üles ja panni sis betoon toru, viijoosu jaoss. Ja tuu kohapäälne elanik, tuu oll\', niikaua kui tuu iste, ai jutt sääl man ja tuu kai, et kunas mi, tähendäs tiitüülise, tuu kullakasti säält kivitruuba alt... Mi kül es lövvä üttegi kullakasti, lihtsalt kiviq... olliq ja... Nii et noh, jutt... ES: Noh, mõni miis vei äräq! AV: /naerab/ ES: No muidogi noh! AV: Vai oleki-s vai... ES: Ei noi kui ta hindä ärä uput\', sääl õks...tuu olõ-s /nali?/ AV: Ei no sääl võis tõnõ... muid põhjusi ka olla, kes tuud tiid, heh-heh HV: Ta või seal veelgi olla! Nooki või olla sääl, tuu kullakast. AV: Jaa või kül, või kül. Nooq kullakasti ommaq ka alale, mis sääl järve otsa man ütel puul om üts tönn ja tõsel puul... ja raudketiga omma kokko /köüdet?/ niiet kui üte lövvät - tuul om kett küleh - saat tõse ka kätte! |
||||||||||||||||||||||
| Redigeeritud tekst | ||||||||||||||||||||||
| Jaanimäel – tuu om õkva tii veere man, peräh oll\\\' tah palvõmaja – sääl oll\\\' postijaam. Suur herrä sõit\\\' kah postijaama. Ja jäi sis sinnäq üü pääle. Postijaama. No kutsar, tuu sis süüt\\\' hobõsõq ja hummugu and\\\' sis herrä kutsarilõ käsu, et hobõsõq ette pandaq ja istõ sis tõlda, tõllaga sõit\\\' ärq tükü maad ja äkki tull\\\' miilde midägi: \\\"Silmäpilk käänäq ümbre ja tagasi!\\\" Ja lätsiq, sõidiq tagasi ja läts\\\' sinnä magamisõruumi, sääl kai ümbreringi ja tull\\\' sis kurva meelega väll\\\'ä ja uput\\\' hindä Jaanimäe – sääl oll\\\' sääne Jaanimäe sulg, uput\\\' hindä sulgu ärq. Ja sis oll\\\' jutt, et kullakast\\\' ollõv olnuq ja tuu vahe seen oll\\\' tuu kullakast\\\' ärq kaonu. Näet, tä unõht tuu maaha! Nii jutu järgi, et läts\\\' tagasi, a kullakasti es olõq ja oll\\\' niipall\\\'o kah\\\'o, et uput\\\' hindä ärq. A tallimiis\\\' oll\\\' vahepääl lännüq tuud korterit kaema – jutu järgi – tuud kullakasti tuu vahe seen, ku herr niiüteldä eksirännäküt tekk\\\'. Ja sis tuu tallimiis\\\' es saaq kah tedä kodo viiäq, tuud kullakasti, et millegi peräst pidi sinnäq tii viirde äräq käkmä, üte kivitruuba alaq. A tuu kuuli kah järgmädsel pääväl ärq, ja tuu es saaq kah üteldäq, tuu tallimiis\\\'. Et kohe tä tuu kulla pand\\\', ja tuu jäigi kaotsehe. Ja ma ütle sullõ, et ma olli tiitüüline, ma kisi tuu legendi kivitruuba üles ja panni sis betoontoru, viijoosu jaos. Ja üts\\\' kohapäälne elänik, – niikavva tuu istõ sääl man, ai juttu ja kai, et kunas miiq tuu kullakasti säält kivitruuba alt… Ma külh es lövväq üttegi kullakasti, lihtsalt kiviq olliq. Nii et, noh, jutt... |
||||||||||||||||||||||
| Tööprotsess | ||||||||||||||||||||||
| IDkood (Koobas) | 7105 | |||||||||||||||||||||
| Sisestaja | Mari-Ann Remmel | |||||||||||||||||||||
| Sisestuskuupäev | 10.12.1999 | |||||||||||||||||||||
| Litereerija | M.-A. Remmel | |||||||||||||||||||||
| Lisatud | 20.06.2012 16:12 | |||||||||||||||||||||
| Viimati muudetud | 18.11.2012 16:30 | |||||||||||||||||||||
| Andmed Kivikeses | ||||||||||||||||||||||
| Säiliku viide | FAM 369 | |||||||||||||||||||||
| Säilik | ||||||||||||||||||||||
| Pala | ||||||||||||||||||||||