Teade
| Arhiiviandmed | |||||||
| Viide | H II 44, 186/8 (1) | ||||||
|---|---|---|---|---|---|---|---|
| Täisviide | H II 44, 186/8 (1) < Rõngu, Hellenurme v. - Johann Eisenschmidt (1866) | ||||||
| Viite osad | Kogu:H IIKöide:44LK1:186LK2:188Pala:1 | ||||||
| Kogumisaasta(d) | 1866 | ||||||
| Kogujad |
|
||||||
| Teksti sisu | |||||||
| Objekti liik | mägi | ||||||
| Tegelased | hiid/kurat | ||||||
| Muud märksõnad | surm, varandus, aeg, uni | ||||||
| Žanr | muist | ||||||
| Jututüüp | Varandus Mäkumäel, mida vanajuudas valvab - mees kaevab, viib varanduse endaga ja sureb varsti peale seda | ||||||
| Pärimuskohad | |||||||
| Koht 1 | |||||||
| Objekti nimetus | Mäkumägi | ||||||
| Vana maakond | Tartumaa | ||||||
| Kihelkond | Rõngu | ||||||
| Vana vald | Kirepi | ||||||
| Vana küla | Kalme | ||||||
| Täpsem asukoht | LK alune mägi KLO1000538 | ||||||
| ERA kood | Rõn_Kalme_02 | ||||||
| Uus maakond | Tartu maakond | ||||||
| Uus küla | Kalme | ||||||
| Tekst | |||||||
| Unel juhatedu rahakast. Üte kirepi valla talupojale olli üits kõrd unel juhatedu, et Riija posti tee veeren mäku mäe pääl, mis kirepi ja kanepi kõrdsi vahel, üte kadaja puhma all üts rahakast olli pidänü olema. Sis olli tälle ka esiaräline aig nimitedü, kon ta sedä raha säält mäe päält võis kätt saija; nink see olli nimelt ütel pühälpäiväl kesk jutuse aigu; sest juudas olnes muidu iks sedä kasti vahtnu, ent pühälpäiväl olli ta pidänü minemä kerikohe suikjit üles kirjutama, nink sis võis ka sedä kasti selleperäst säält kätte saija, et ta esiman es ole. See talopoig olli sis ka kõik nii tennü kuis tälle unel olli opatu. Ta olli lännü sinnä juhatedu paiga pääle, nakanu sääl kaivma ja pea tullu tälle ravvane kast vasta, kedä ta ka väega kergede olli katte saanu ja kodu viinü, ja see ollu selget kulda ja hõbedat täis. Ent pea perän seda olli ka vana juudas kerkun oma tööga valmis saanu, ja tulli nüüd tuule siivul jälle omma vahi paika tagasi, ent raha kast es ole enämb alale. Sis olli ta varsti otsma nakanu; kõige edimält joosnu ta teepääle kerikost tulejille vasta, ja karelnu peenikesen saksa rõivin iks üte mant tõise manu nink nõudnu pea egänte käest, kas ehk keake temä rahavõtjat es olnes tähele pandnu; ent kerikolise es ole sest midägi teednü. Ja viimäte saanu ta ommeti jälile, nink saanu see mehe kätte, kes selle raha olli võtnu. Ta olli edimält hirmutamisega mehe käest nõudnu, et mees oles pidänü see raha tagasi andma; ent mees es ole mitte andnu. Peräst olli ta tedä pallun sest see raha pidänu vaeste laste jagu olema ja temä ei võivat mitte jättä; ent mees es ole siski mitte kätte andnu. Sis olli vana juudas teda kül see kõrd rahu jätnü ja ärä lännü, ent see mees olli väega rasses haiges perän jäänü ja - ärä koolu. Temä tõbevooti man olli kül vana juudas veel hendä mitmasugutsel näk tälle näidänü ja omma rahakasti iks tagasi noudnu, ent ta es ole mitte andnu, ja et ta esi kül olli ärä koolu, siski jäänu see hulk raha temä perandajide kätte pruuki. |
|||||||
| Lisaandmed | |||||||
| Sisu kommentaar | PP 2022 Laura | ||||||
| Tööprotsess | |||||||
| IDkood (Koobas) | 38183 | ||||||
| Sisestaja | Laura Mäemets | ||||||
| Sisestuskuupäev | 30.11.2022 | ||||||
| Lisatud | 30.11.2022 18:24 | ||||||
| Viimati muudetud | 30.11.2022 18:24 | ||||||
| Andmed Kivikeses | |||||||
| Säiliku viide | H II 44 | ||||||
| Säilik | |||||||
| Pala | |||||||