panni jaak.
Kastre mõisas Kantsi kõrtsi all om üts sõaajone keldre. Säält lännü kõrd vana Panni Jaak raha (tooma) otsma. Keldre uss olnu vallale ja Jaak astnu iluste sisse. Sääl nännü temä, et keldren paku pääl üts illos kuld juustega neitsi istnu ja esi hõppe kammiga pääd suginu. Neitsi ei ole midagi ütelnu, vaid võtnu kühvliga nukast unikust kulda ja käsknu Jaagul kotti kinni hoida. Jaak hoitnu koti kinni ja neitsi valanu kulla kotti, esi ütelnu: "Kui sina väl'l'ä läät, siis äsa sa ust kinni tõmmaku, aga piä ka meelen, et sa midägi ei putu. Jaak lubanu, jätnu Jumalaga ja nakanu minema. Aga, usse kõrval nagi otsan olnu paar väega ilosid saapid ja Jaak unetas neitsi keelu kogoni ära; võtnu saapa kaala, astnu ussest vällä ja tõmmanu ussegi kinni, Aga korraga jäänu temä kott pimmes. Seda juttu olevad tema esi kõnelnu ja säält ole ka mina kuulu. |
