Teade
| Arhiiviandmed | |||||||||||||||
| Viide | ERA, CD 346 (36) | ||||||||||||||
|---|---|---|---|---|---|---|---|---|---|---|---|---|---|---|---|
| Täisviide | ERA, CD 346 (36) < Rõuge khk., Listaku k. – Terje Potter, Mari-Ann Remmel < Salme Teder, 88 a. (1999) | ||||||||||||||
| Viite osad | Kogu:ERA, CDKöide:346LK1:LK2:Pala:36 | ||||||||||||||
| Kogumisaasta(d) | 1999 | ||||||||||||||
| Esitajad |
|
||||||||||||||
| Kogujad |
|
||||||||||||||
| Teksti sisu | |||||||||||||||
| Objekti liik | kalme, kirik | ||||||||||||||
| Žanr | muist, u, arh, biogr | ||||||||||||||
| Jututüüp | Kalmekirik, surnud väetavad maad. Kalmemäe nurm - eksimispaik. | ||||||||||||||
| Pärimuskohad | |||||||||||||||
| Koht 1 | |||||||||||||||
| Objekti nimetus | Kalmõmägi / Kalmõkerik / Kalmõmäe kallas / nurm | ||||||||||||||
| Vana maakond | Võrumaa | ||||||||||||||
| Kihelkond | Rõuge | ||||||||||||||
| Vana küla | Põru | ||||||||||||||
| ERA kood | Rõu_117 | ||||||||||||||
| Arheoloogiakood | a0019 | ||||||||||||||
| Tekst | |||||||||||||||
| ST: Kas ta oll` nii või tuud mis uma silmaga näed, tuu pääle saad nii olla kindel, aga... M-A: Kohe öeldi, et Kalmekirik, tolle kiriku kohta? ST: Nojah oll` sääne jutt, tuud mu esä kaonu kõnel, et olevat olnud, a timä ka es näe tedä, et selle sis om. Ja sis ta maa, mis tuu põld sääl om, tuum ka alles, et om väega hää põld kasus. Sis üteldigi, et surnu all väetäse ja nii sääne jutt. Sjoo olli mõisa käen, mõisa käest mu esä sis oll` ostnu sjoo, taa talu, mis tan nuka pääl on. Ta talunikuga nigu pooles, ostseva ja sis tolle talule anti vai mi talule, meil oll` kehvemb maa olnu, /.../te olete kümme vakamaad rohkemb müüdü, oll` nii sääne jutt. Tuu, et tuu Kalmemäe nurm, et tuu oll` väega hää maa ja et tuu sai sis kümme vakamaad veel. Tuul aol tuu jutt. M-A: A millepärast nii hää maa sis oli ta? ST: No arvati, et surnuaid, et inemese, et ikka kondi kasuse all, et väeti teda. A nii sääne jutt oll`, aga noh, kes tuu kõik üts kuulujutt nigu na palju asju näet om sääntsit kuulujutte. M-A: A säält tuli kondikesi välja ka siis kündmisega? ST: Ei tiiä, ei tiiä, ei ole kuulnud M-A: Ei ole kuulnud? Aga kas riste ka oli vanasti sääl veel? ST: Ei, tuud inamb es ole, no selle, et tuu oll` ikka /.../ väga paljo aigu. Mõisaajal sündü 1870 aastal oll` ta sünniaasta. Toda es näe, a tuu om ainult nii kuulujutt. M-A: ja sääl võib ära eksida, kas tee läks siis surnuaiast läbi või? ST: No sjoo tii mis siist praegu lätt, nojah, kas ta läbi vai, tuud põldu nigu rohkemb tan puul vai sääne nurm, kuis üteldä Kalmemäe nurm. Üteldi, kes teda tiid, tuum kõik. Mida esi ei näe, sis tuud ei tiiä ju üteldä. M-A: A kas nii nooremaid inimesi ka sääl ära eksis või? ST: No ei tiiä, olevat iks olnu, aga nyyd tuud mitte uman perekonnan, tuud nii ütel mul mamma. Läts uma venna poole. /jätk sama, mis nr 55./ |
|||||||||||||||
| Redigeeritud tekst | |||||||||||||||
| Oll´ sääne jutt, tuud mu esä kaonu kõnõl´, et mäe otsan ollõv olnuq Kalmõkerik, a timä ka es näeq tuud. Ja sis taa maa, mis tuu põld sääl um, tuu um kah alalõ, um väega hää maa. Seo oll´ mõisa käen, mõisa käest mu esä sis oll´ ostnu taa talu, mis tan nuka pääl om. Tuu Kalmõmäe nurm´ oll´ väega hää maa. No arvati, et surnuaid, et iks inemise kondiq kasusõq all ja väetäseq tedä. Sääne jutt oll´, a noh, tuu kõik üts´ kuulujutt, nigu pall´u asju om sääntsit kuulujuttõ. Mu mammal oll´ sääl Põru külän kodu ja läts´ uma velle poolõ. Hummukult varra, no rahha lainama vai midä, ja essü nurmõ pääle ärq. Tä oll´ ümbre käünüq ja tull´ siiäq uma niidü pääle, tiidse, et ma lää nüüd säält tollõst toomõpuhmast müüdä, a es tiiäki, et oll´ siiäq tulnuq. Ja viimäte, ku sis oll´ saanuq siiäq seo talu manuq, no mis parlaq siin um – no muiduki sedä maia es olõq viil, tuu oll´ iks vanaaignõ rehetarõotsalinõ kammõr´ – sis sai aknõ manu ja näkk´, et peremiis´ sei lavva man, sis sai aru, et es olõki velle poolõ saanuq. Sis naabripoiss´ oll´ veenüq sinnäq, õkva joba sinnäq maja lähükeste ja sis pässi silmäq viil vallalõ, innemb mitte es näeq. Niipall´u ma tiiä tast Kalmõmäest. Noh, kõnõldi niiviisi, ku ma lats´ olli, et surnuaid oll´ ja et üts´ tõnõ miis´ kah oll´ ärq essünüq. Ja sis kutsutigi tedä, et Kalmõmägi, Kalmõmäe kallas. |
|||||||||||||||
| Lisaandmed | |||||||||||||||
| Tekstimärkus | Redigeeritud teksti lahtris liidetud ERA CD 346 (6) ja (36) | ||||||||||||||
| Tööprotsess | |||||||||||||||
| IDkood (Koobas) | 144 | ||||||||||||||
| Sisestaja | Terje Potter | ||||||||||||||
| Sisestuskuupäev | |||||||||||||||
| Litereerija | T. Potter | ||||||||||||||
| Lisatud | 20.06.2012 14:59 | ||||||||||||||
| Viimati muudetud | 06.05.2014 16:44 | ||||||||||||||
| Andmed Kivikeses | |||||||||||||||
| Säiliku viide | ERA, CD 346 | ||||||||||||||
| Säilik | ERA-14125-60233-03966 | ||||||||||||||
| Pala | ERA-14125-60240-36189 | ||||||||||||||