Vanast olli Räppina kihelkonnan ütele mehele uneh näütetu et Põlva kihelkonnan, kon Rosma küla ja Põlva kerik nätta om, sääl üteh väikeseh suuh om üts kasti täüs rahha. Selle juhatuse pääle olliva nema ka kolme keske tulnuva rahha välla kaivma, üte mehe olliva nema jätnu hobese mano ja kats tükkü lännüva rahha kaivma üüse kella 12-ne aigo nemä olliva kaivnu ilm juttu ajamata seeni kui raha kast olli näta olnu, sis olli suur tänitamine hobese mann olnu ja nemä olliva kaema joosnuva hobese varast kinni võtma, ent kui nema hobese mano olli saanu sis es ole kedagi näta olnu ja hobese vaht es ole ka tänitanu, selle pääle olli nema arvo saanu et kuradi kavalus neid raha kasti mant om ära petnu ja nema olliva tagasi kaema lännü ja es ole enamb raha kasti silmagagi nännü. H 111 11, 665/6 (14) < Põlva, Timo v., Rosma k. -- Joosep Tobre (1891). |