Teade
| Arhiiviandmed | |||||||||||||||
| Viide | S 18951/6 (4) | ||||||||||||||
|---|---|---|---|---|---|---|---|---|---|---|---|---|---|---|---|
| Täisviide | |||||||||||||||
| Viite osad | Kogu:SKöide:LK1:18951LK2:18956Pala:4 | ||||||||||||||
| Kogumisaasta(d) | 1930 | ||||||||||||||
| Esitajad |
|
||||||||||||||
| Kogujad |
|
||||||||||||||
| Teksti sisu | |||||||||||||||
| Objekti liik | saar | ||||||||||||||
| Tegelased | hiid | ||||||||||||||
| Žanr | muist | ||||||||||||||
| Jututüüp | Kalevipoeg teeb tee läbi järve, vaenlased ajavad materjali laiali - tekib Salosaar, Kalevipoja puhkamiskoht. | ||||||||||||||
| Pärimuskohad | |||||||||||||||
| Koht 1 | |||||||||||||||
| Objekti nimetus | Kivirind | ||||||||||||||
| Vana maakond | Setomaa | ||||||||||||||
| Kihelkond | Seto | ||||||||||||||
| Vana küla | Perese? | ||||||||||||||
| Uus maakond | Põlva maakond | ||||||||||||||
| Koht 2 | |||||||||||||||
| Objekti nimetus | Salosaar | ||||||||||||||
| Vana maakond | Setomaa | ||||||||||||||
| Kihelkond | Seto | ||||||||||||||
| Vana küla | Perese? | ||||||||||||||
| Uus maakond | Põlva maakond | ||||||||||||||
| Tekst | |||||||||||||||
| Jutt Salo saarõ tekkömisest. Tuu olle jo vanal hallil ajol ku säkslasõ mii maal ellevä siss elle kah üts suur ja tukõv miis. Tuu meehe essä kutsute vanast Kalõvest aga poja nimme ess tiiä ki äke inemeiste siseh. Tuuperäst kutsivage inemese tuud kõvva miist Kalõve pojast. Kalõvepojal olle pallö õiendameise ja kaemeise Pihkvahe. Timä ess lää' kunage ümbre ja a' käve kõkõ läbi. Läbi järve minneh saiva täl alate pöksi' hargõne likõst. Tuu es miildö Kalõvepojalõ sukege et kõkõ rõiva' likõst saava ku läbi järve lät. Siss otsustke timä tetä Perese küläst tee tetä Salo saarõ kotselt Pihkvahe. Liiva sai timä Perese nurmõ päält a' kivve tulle setokõistõ palo päält tuvva. Edimält vei timä Peresest koti tävve liiva ja vei kolmõ versta taadõ järve ja pande maalõ. Nüüt lätsege timä Rõsnahe kivve perrä. Rõsna küläst ess saa' viländ siss lätse viil Igrisä küllä kost sai kah hää sälä tävve ja nakas marssma järve poolõ. Ku järve viirde sai nägi timä ku vainlasõ aiva' liiva järve piti lakja. Kalõvepoig juuske rutto suurõ kahinaga vainlastõ mano, aga nuu' panniva pakko ja pagõsevvä äräge Venne maalõ. Suurõmba jao liiva aiva' vainlasõ lakja ja veitkese viil jäi kah perrä. Kalõve poig pande kivi kuurma maaha ja lätse jälke tõõsõ sälätävve perrä. Ku Kalõvepoig ärä läts joosiva vainlasõ' ja pillivä kivi' kah järve piti lakja. Varste tulle Kalõvepoig kivi kuurmaga, vainlasõ' näivä tuud ärä ja panniva pakko Vennemaalõ. Kalõvepoig ess lää kah näid takah ajama ja heite tii tegemese nõuge ärä kõrvalõ, et timä olle ütsindä ja tuu ajo siseh ku timä käüse kivve peräh setomaal ajasõ vainlasõ' kõik kraami järve piti lakja ja nii muudo ei olõ tuust tüüst midäge kassu. Kalõvepoig ähvärd kulh vainlaise ja lubase näid ärä tappa kõi ku kätte saa. Paha meelega käve timä õks läbi järve nigu innege, tuu liiva unik mis jäi viil vainlasil lakja pillmata' sai tälle puhkamise paigast ku mõnikõrd suurõ kuurmaga johto Pihkvast tulõma. Tuust liiva unikost sai saar ja tuu saar omm parahallake liivanõ. Ümbre saarõ omm järveh väigalt pallö kivve ja üts kotus lätt kaugõhe järve ku tii matal ja suure kivve täüs nii et säält kottalt ei olõ maadge nätä. Tuud kotust koh väigalt pallö kivve omm nimetätäs viil täämbäge "Kivirinnast" sinnä kääse pallö kalamiihe õngitsõma. Ilosal pühäpäävä hummogol omm sääl väigalt pallö õngitsejet nätä. Muud kallo säält ei saa' kah ku ahunet. Tuud liiva unikot mis sinnä perrä jäi lakja pillmata kutsutas "Salo" saarõst. Nüüt omm sääl saarõ pääl elänik, kiä sääl põldo hari. Lõpp. |
|||||||||||||||
| Lisaandmed | |||||||||||||||
| Kirjandus | ilmununud "Põlvamaa muistendid" lk 39/40 | ||||||||||||||
| Tööprotsess | |||||||||||||||
| IDkood (Koobas) | 10222 | ||||||||||||||
| Sisestaja | Katrina Kink | ||||||||||||||
| Sisestuskuupäev | 10.04.2007 | ||||||||||||||
| Lisatud | 20.06.2012 16:39 | ||||||||||||||
| Viimati muudetud | 11.02.2019 14:03 | ||||||||||||||
| Andmed Kivikeses | |||||||||||||||
| Säiliku viide | S 132 | ||||||||||||||
| Säilik | ERA-13303-71110-01089 | ||||||||||||||
| Pala | ERA-14131-35151-62288 | ||||||||||||||