Teade
| Arhiiviandmed | |||||||||||||||
| Viide | S 114629/41 (6) | ||||||||||||||
|---|---|---|---|---|---|---|---|---|---|---|---|---|---|---|---|
| Täisviide | |||||||||||||||
| Viite osad | Kogu:SKöide:LK1:114629LK2:114641Pala:6 | ||||||||||||||
| Kogumisaasta(d) | 1935 | ||||||||||||||
| Esitajad |
|
||||||||||||||
| Kogujad |
|
||||||||||||||
| Teksti sisu | |||||||||||||||
| Objekti liik | järv | ||||||||||||||
| Žanr | mj | ||||||||||||||
| Jututüüp | Võrtsjärve sündimine kuninga väimehe silmaveest, vanahalv | ||||||||||||||
| Pärimuskohad | |||||||||||||||
| Koht 1 | |||||||||||||||
| Objekti nimetus | Võrtsjärv | ||||||||||||||
| Vana maakond | Viljandimaa | ||||||||||||||
| Tekst | |||||||||||||||
| Võrtsjärve sündimine Elli esä pojaga. Poig nakas väiga purötama Poig ju\' ar\' kõõ esä varandusõ Ütevoori ütel esä pojalõ: \"Minn\' sa mu majast vällä, sa õi olõ mu poig\" Ja ai vällä. Poig lät mõtsa piteh ja tul tälle vasta vanahalv. Tuu vanahalv ütles pojalõ \"Kas jovvat täntä ar nuu\' käsu mis ma sullõ anna sis jätä ma sinno ello a\' ku jovvaai\' sis tapa ar\'. Pojal oll nimi Ivan Poig ütel: \"Ma täüdä ar su käsu\". Tuu vanahalv vei Ivani suurõ kivi mano ja ütel: \"Minn kivi ala ja otsi mullõ süäme lamp Ivan läts kivi ala ja nakas otsma lampi Otsõ otsõ õi lövvä tuud süäme lampi ja ütles vanahalvalõ: \"Õi lövvä.\" Halv ütles: \"Otsi otsi höste.\" Ivan jal\' ots ja löüd säält kulda ja kallit anomit ja löüse ka lambi, võt üsätävve anomit ja köüt lambi sälgä ja nakas vällä tulõma ja mõtlõs: Õgas seõ lamp õi olõ proosta lamp, seõ om munõ tarkusõ peräst, ku vana halvalõ om vaja. Ivanil oll väits karmanih ja mõtõl: \"Ma lää vällä ja tapa vanahalva ar. Tul\' vällä ja tuu lampi iih a\' väits sälätakah sai vanahalvalõ lähkohe ja lei väidsega sisse, võt vanahalva ja tsusas kivi ala ja läts esi kodo ja esä kaes õt poig tuu kulda ja kallit anomit ja võt hüämeelega vasta Ütevoori nakas Ivan kotoh lampi kaema ja püürd üles ja tul lambi seest vällä kats poissi ja küsüse mis sullõ vaja nuur miis. Ivan ütles: \"Ma taha süvvä.\" Kõrraga kääni poisi ümbre ja laodi lavva räti lavva pääle ja panni õgasugust süüki ja juuki lavva pääle. Ivan tahtsõ tetä grüstaliist härbänni No tuu Ivan jal püürd lampi ja jalki tulõva kats poissi vällä. Ivan ütles noilõ poisalõ: \"Tekke mullõ grüstali kivist härbän.\" Nuu\' poisi teie neläpääväga maja valmist. Poig ütles esäle: \"Minn ütle kunigalõ õt las anda mullõ ar uma tütär.\" Esä kullõl poiga ja läts kuniga mano ja ütles: \"Moos sa annat ar mu pojalõ uma tütre kunigas ütles: \"Kas ma no sullõ vaesõlõ pojalõ anna tütre\" Ja nakkas kõnõlama ja ai vällä. Esä tulõ kodo ja ütles pojalõ: \"Kunigas ütel õt ma õi anna su pojalõ tütärd sa olt väega vaenõ\" Poig saat jal\' tõistvuuri esä kuniga mano ja and tälle pallö kallit anomit üteh ja käsk anda kunigalõ Esä läts kuniga mano ja and nuu\' anoma kätte kunigalõ. Kunigas hiitü ar, õt kamääntse vaesil ka ilosa ja kalli anoma ku mulgi olõi ni ilosit ja kallit anomit. Tuuvoori ka lupaas kunigas umma tütärd ar anda. Esä jal tul kodo ja ütles pojalõ: \"Kunigas õi anna mullõ umma tütärd.\" Poig saat esä kolmada voori kuniga poolõ ja and esäle kulladsõ rõiva ja ütel: \"Vii kuniga tütrele.\" Esä võt rõiva ja vei kuniga tütrele. Tütär näüdäs esäle kullatsit rõivit ja kunigas ka kai õt täks rikas om, ku kulladsõ rõiva saat tütrele. Sis lubasi kunigas ar anda umma tütärd timä pojalõ naasest. Esä läts kodo ja ütel pojalõ õt kunigas lubasi ar sullõ uma tütre naasest Peie suurõ pulma ja sai kuniga tütär tälle naasest. Nimä naksi õnnõlikult elämä. Kunigast kavvõndõh elääs halv. Halv sai tiidä õt Ivanil om sääne lamp, mia tahat tuu tege. Halv tahtsõ tuud lampi ar pettä tiid õt Ivanit kotoh õi olõ ja läts tuuhu liina ja ost pallö vahtsit lampõ üteh ja läts tuuhu liina Halv lät liina piteh ja täntäs: \"Vaelda vahtsit lampõ vannuga.\" Tul\' kuniga kodo kottalõ ja täntäs sääl jalki, õt hõi lampõ vaeldsama, vaelda vannu vahtsidõ vasta ja sääl oll üts vana paaba ütsindä kotoh Tuu paaba kai õt mul om ka üts vana lamp, haard tuu nõija lambi arki vaeld vahtsõ vasta. Tul kodo, väümiis kai lampi õi olõ ja nakas kõvastõ ikma. Poig ikk ni kõvastõ õt timä silmä viist sai Võrtsjärv. Halv tul kodo püürd lampi ja tuu härbän mis poisi Ivanilõ teie linnas saa versta taadõ kõõ kuniga tütrega. Kunigas ütel: \"Ku sa otsii ar mu tütärd sis saat munõ päävä peräst maaha tapõt.\" Ivvan läts otsma naist. Läts läts ja sai üte väiko tarõ mano Läts tarõkõistõ sisse ja küüsüs: \"Kas tiijät koh om grüstalist härbän?\" Tuuh tarõkõsõh ülti \"Sääl mõtsa takah olõi kavvõndõh, min sinnä mis sullo vaja Ivan läts tuuhu härbänni ja näge tuud naist ja küüsüs naase käest: \"Koh om tuu halv lambiga.\" Naane ütles: \"Ma õi tiijä läk ar otskõ, [-] ar lövvä.\" Lätsi otsma naasega Otsõ otsõ ja õs lövvä kohki ja sis lätsi sita peltkuhe ja löüse lambi aganidõ seest mähit paklidõ sisse Ivan võt lambi, käänd kruvvi piteh ja härbän linnas jalki tagasi vana kotusõ pääle. Kunigas tehnäs umma väümiist õt otsõ ar tütre ja naksi elämä. Kunigas tütrega ja väümehega õnnõlikult ja eläse parhillaki ku olõi ar koolnu. |
|||||||||||||||
| Lisaandmed | |||||||||||||||
| Sisu kommentaar | järv kõrvaline episood | ||||||||||||||
| Tööprotsess | |||||||||||||||
| IDkood (Koobas) | 10216 | ||||||||||||||
| Sisestaja | Katrina Kink | ||||||||||||||
| Sisestuskuupäev | 16.05.2007 | ||||||||||||||
| Lisatud | 20.06.2012 16:39 | ||||||||||||||
| Viimati muudetud | 12.05.2014 09:46 | ||||||||||||||
| Andmed Kivikeses | |||||||||||||||
| Säiliku viide | S | ||||||||||||||
| Säilik | ERA-13160-42126-57783 | ||||||||||||||
| Pala | ERA-14131-35189-22070 | ||||||||||||||