Teade
| Arhiiviandmed | |||||||||||||||
| Viide | Remmel, Potter, Valk 2001, 162/3 (110). | ||||||||||||||
|---|---|---|---|---|---|---|---|---|---|---|---|---|---|---|---|
| Täisviide | Remmel., M.-A.; Potter, T.; Valk, H. \\\"Rõuge kihelkond. Paigad ja pärimus\\\", lk 162/3 (110). (2001) | ||||||||||||||
| Viite osad | Kogu:Köide:LK1:LK2:Pala: | ||||||||||||||
| Kogumisaasta(d) | 2001 | ||||||||||||||
| Esitajad |
|
||||||||||||||
| Kogujad |
|
||||||||||||||
| Teksti sisu | |||||||||||||||
| Objekti liik | kalme, puu | ||||||||||||||
| Muud märksõnad | vene, rootsi, aeg | ||||||||||||||
| Žanr | uk, arh | ||||||||||||||
| Jututüüp | Krigulipalu rootsi kääpad ja kalmupedajad - ristipuud; rootslane lubab tagasi tulla; välismaalased | ||||||||||||||
| Pärimuskohad | |||||||||||||||
| Koht 1 | |||||||||||||||
| Objekti nimetus | Krigulipalu kalmupedäjä | ||||||||||||||
| Vana maakond | Võrumaa | ||||||||||||||
| Kihelkond | Rõuge | ||||||||||||||
| Vana küla | Matsi | ||||||||||||||
| ERA kood | Rõu_130 ja Rõu_Matsi_03 | ||||||||||||||
| Uus maakond | Võru maakond | ||||||||||||||
| Uus vald | Rõuge vald | ||||||||||||||
| Uus küla | Matsi | ||||||||||||||
| Koht 2 | |||||||||||||||
| Objekti nimetus | Krigulipalu roodsi matus | ||||||||||||||
| Vana maakond | Võrumaa | ||||||||||||||
| Kihelkond | Rõuge | ||||||||||||||
| Vana küla | Matsi | ||||||||||||||
| ERA kood | Rõu_129 | ||||||||||||||
| Redigeeritud tekst | |||||||||||||||
| Roodsi surnuaid kutsuti, seo jagu kõik. Roodsi meheq puhkasõq siin. Ammust aost, tsaariaost. Antoni Piitre elli, tuu tiidse. Surnuaid om katõn osan – sääl takanpuul ommaq ülembäq, tan tii veeren, noh, kuis üteldäq, kannumeheq, sõduriq. Tan om hulga matõtuq, nigu ühishavva muudu. Ega tuu ei olõq kolm inemist, tuu om nigu laviin. Tan om hulga inemisi all, puhkasõq. Tegelikult om noid kääpit kolm, kolmas om kah. Tsaari aig – mõtlõq, kunas tuu oll´! Hulga aastit müüdä, üle saa! Üle saa aasta om no kindlalõ. Roodsi oll´ ka siin kimmäs, lubasi tagasi tullaq. Roodsi võitsõ, kui lahing oll´ siin, Vennega oll´ lahing. Inne oll´ ka silt, a veneläseq kloppõq pääle sõta mahaq. Ja vahest pätipoisiq kah lõivaq uppi. Rahvast om tan küll käünüq, ku puhkus kellelgi, siis jalutivaq siiäq ja... Siin om käünüq küll inimesi, võõrit kiili om kõnõldu siin. Arvada, et näide umatsist om kedägi siiäq matõtu, sis tulõvaq siiäq. Olliq võõra meheq. Seo aasta ka kiäki Roodsist käve siin, ütel´, et mul om Roodsin isiklik virma ja ütel´ minulõ ilusan eesti keelen: “KUNAGI tuleme veel siia tagasi!” Nii ütliq nuuq roodsi rahvas, ku siin käveq, et tulõmi siiäq tagasi. A kas tulõva ühisjõul vai tulõva külälise muudu – toda ei tiiäq. Ja võivaq tullaq kah, rikas riik´, rikas rahvas, massinid küllüsen ja... võivaq tullaq külh. Noil om jo kaart´, kaesõq kaardi päält ja. Ja noil ommaq jo isikliku lennukiq ja laivaq ja... ME TULEME VEELKORD SIIA TAGASI. Kas taa tulõ nüüd sõjaga vai tulõ külälise muudu? Ku elämi, sis näemi, kui ei eläq, ei näeq. Ja siiäq ommaq pantu kalmupedäjäq. Pääle sõta. Riste siiäq iks lõigatas pääle kogu aig. Kes müüdä läts´, kes tahtsõ, tuu tekk´. Seo või-olla, et neide umatsõq, kes matõtu ommaq. Seo om vist, nii nigu Roodsil ette nättü, seo vist eräisikil ei olõq. Tuu om ikka neil omil – härräq meheq, mis meie väikeseq putukaq siin. Miiq olõ nigu kärbläne suurõ kotka vasta. Parlaq om kõik nii... – Nii vai kui. Miiq olõ putukaq tuu kõrval. Mõni ütles kalm, a kääbäs om iks kõgõ õigõmb sõna meil eesti rahva järgi. Pühä paik – ütle nii puhtalt. Siin oll´ nii, et mullikaq olliq siin sovhoosi, kolhoosi aigu, üteldi nii, et siiäq es lastaq. Aida es olõq vahel, a siiäq viirde es lastaq sukugi. Himma, tuu pandsõ uma lehmä siiäq, üteldi, et panõq taahapoolõ. Siini võisõ kor´ata, a matust es toheq puttu. /---/ Teil ei olõq sääl ümbrüsen niisugust asja. Agaq meil om. |
|||||||||||||||
| Lisaandmed | |||||||||||||||
| Kirjandus | Rõuge kihelkond. Paigad ja pärimus, lk 162/3 | ||||||||||||||
| Tööprotsess | |||||||||||||||
| IDkood (Koobas) | 38010 | ||||||||||||||
| Sisestaja | Terje Potter | ||||||||||||||
| Sisestuskuupäev | 09.11.2001 | ||||||||||||||
| Litereerija | Terje Potter | ||||||||||||||
| Lisatud | 20.06.2012 16:40 | ||||||||||||||
| Viimati muudetud | 01.09.2022 18:59 | ||||||||||||||
| Andmed Kivikeses | |||||||||||||||
| Säiliku viide | |||||||||||||||
| Säilik | |||||||||||||||
| Pala | |||||||||||||||